Les mots surlignés font l'objet d'une note
1Reçue à Grenoble, le 09 mars 1573. Répondu le 9 mars 1573.
2Monsieur, j’ay receu la lettre qu’il vous a pleu m’escripre touchant
3ce que je vous mandois et quant à prendre rançon de Pozolz
4ce n’est pas mon dessain mais le veulx garder le plus qu’il
5me sera possible. Au reste j’ay entendu de luy qu’avez à vous
6prendre garde du cousté de Dye et de Crest, car il m’a dit
7par tout asseuré que beaucoup de gentilzhommes et autres de votre
8cousté des Suysses et de Genève et m’a dit qu’il tient le
10secours aussy seur comme Dieu est en paradis, qui est
11en nombre de douze mil hommes de pied et troys mille
12chevaulx et que ilz ne se sont saisys du Pouzin que
13pour autre intention disant que ledit secours ne voloit venir
14en ce pays qu’il ne fust asseuré d’avoyr ung passaige
15sur le Rosne ; vous asseurant monsieur qu’il seroit très requis
16sauf votre meilleur advis, de renforcer bien et fortement
17voz garisons et d’essayer de garder ce passaige du
18Rosne et me semble non pour vous donner advis pour sentir
19le votre très souffisant qu’ils seroit bon faire ung fort sur
20le bord du Rosne prez du Pouzin. Car par ce moyen ilz
21ne pourroyent passer. Je ne veulx fallir de vous dire
22que Pierregourde dit Barjac est gouverneur du Pouzin, non
23pour (an avoir) faict lentreprinse, car cest ledit de Pozols.
24Je ne faudrey vous advertir de tout ce qui concernent le
25service du roy et le votre particulhier, vous suppliant croyre
26monsieur que je suis entièrement le votre en tout et partout
27d’aussy bonne volonté comme je prye à Dieu,
28monsieur vous donner en parfaicte santé, longue et heureuse vie saluant
29voz bonnes graces de mes très humbles recommandations. De Tournon,
30ce Ve de mars 1573.
31Votre pour jamais affectioné serviteur
32Pelous
33Monsieur vous avez à vous prendre garde
34de la ville de Romans.